النعام والانسان فيهم حاجة مشتركة….

النعام والانسان فيهم حاجة مشتركة….

النعام والانسان فيهم حاجة مشتركة….

1 Comment on النعام والانسان فيهم حاجة مشتركة….

اقتباسا من Walter Kirn , تخيل انك واقف في شارع زحمة, وحاطط حاجة على عينك ومش شايف بيها, شايل شنطة على ظهرك, حاول تحس بالوزن الزائد على كتفك. حط في الشنطة كل حاجة ليها علاقة بيك (كتبك, مهاراتك الشخصية, خططك, افكارك, شكوكك, المشاعر اللي بتحس بيها تجاه مستقبلك, الخوف من مستقبلك, افكارك السلبية, افكارك الايجابية, شخصيتك, علاقاتك الشخصية, اصدقائك على الفيس بوك, البوستات اللي عاوز تنزلها على الفيس بوك,, الخ). تخيل الوزن الزائد اللي هيبقى عليك والشنطة على كتفك. (الـ Interviews اللي منجحتش فيها, مشاعرك وانت في الشغل, اصحابك في الشغل, علاقتك مع المدير) الشنطة بتزيد في الوزن, (احلامك اللي بتخيلها وانت قافل على أوضتك الباب, الـ CV بتاعك, الابليكيشنز كلها اللي انت مليتها من على النت علشان تقدّم على شغل, او تدريب في شركة).

عاوزك تحشرهم كلّهم في الشنطة. اي حاجة شاغلة حياتك حطها في الشنطة. حاول تمشي بالشنطة!!

حاجة صعبة مش كده؟

ده اللي احنا بنعمله في نفسنا كل يوم, وبصورة اساسية, نقعد نشيل حاجات كتيرة جدا لحد ما نقف, ومنقدرش نتحرّك. ولو اتحركنا مش هنبقى شايفين احنا بنتحرّك فين. بنقعد نخبّط في كل واحد ماشي قصادنا علشان مش شايفين. الحركة هي الحياه.

لو انا حرقت الشنطة اللي على كتفك, هتحتاج ايه منها علشان تعرف تمشي؟ طب لو مشيت هتعمل ايه على الغماضة اللي على عينك وانت مش شايف هتمشي فين؟

ده شكل حياتك بكل اختصار لو معندكش رؤية (Vision) لحياتك. هتقعد تخبط في كل حاجة, هتلاقي نفسك بتشتغل حاجة انت مش عارف بتشتغلها ليه !!

اسباب كتيرة واقفة في طريقنا. علشان كده الاقتراحات اللي هقولها معتقدش ان ناس كتيرة هتوافق عليها, عشان كده انا بخاطب من المقال ده فئة معينة من الناس, الفئة اللي بالنسبة ليها, اي عائق مهما كان (فشل الدولة, الوسطة, الاكراميات, الفقر, الجهل,, الخ) مجرّد حجج فارغة انتشرت داخل عقلنا علشان نقعد في البيت ونلعب بلاي ستيشن ونستنى العدل ييجي.

خمّن بقى !! الحياه ليست عادلة.

1- ايه هي الرؤية بتاعتك؟ (شايف نفسك فين بعد 10 سنين)
شوف انت عاوز تشتغل ايه, مدير مبيعات في شركة كبيرة, مدير منطقة في شركة توزيع, مدير مشروعات, CEO لشركة أدوية, تاخد دكتوراه في الأدب الانجليزي,, الخ.

2- الخطوة الجايّة.
طيب علشان توصل لوظيفتك احلامك, حط رجلة على أول خطوة, وشوف الوظيفة اللي محتاج تبدأ بيها أول خطوة.

3- استخدام اختراع جووجل.
اكتب في الـ Google Search Engine الوظيفة بتاعتك وجنبها Job Description. واختار اول موقع يظهر ليك. شوف المسئوليات Duties اللي المفروض تمسها لما تشتغل الوظيفة اللي كتبتها.

4- الاختيار الفيصل.
والخطوة ده اصعبهم, لان ناس كتيرة بتزهق, ومش بتكمّل, وتستسلم لكلام الناس اللي حواليها لما تبدأ تشاركهم اللي بتعمله. وهتلاقي ناقصك حاجة من الاتنين. يا اما تعليم مهارة او تعليم مادة معينة, او المهارة عندك ومش محتاج غير انك تمارسها. والحاجتين دول ممكن تكسبهم بالاّتي:
1- تعليم كورسات أون لاين.
والمواقع اللي ممكن تفيدك هي,
www.coursera.com
www.alison.com
www.udemy.com
Youtube channles

والكورسات الموجودة ببلاش. وممكن تزاكر اي حاجة بانك تدوّر عليها في جووجل. (ولهذا تم اختراع محرك البحث).
2- التطوّع.
التطوّع وتعريفه تم ذكره قبل كده بمقالة في الموقع. وده حاجة بتخلّيك تمارس اي مهارة عندك, او اي مهارة عاوز تتعلّمها.

5- توسيع شبكة علاقاتك.
ريد هوفمان (أحد مؤسسين موقع Linkedin.com) في كتاب The Startup of you ركّز عن اهميّة العلاقات في مجال الشغل بتاعك. لان 70% من الناس اللي بتحصل على وظيفة بتحصل عليها من خلال شخص عمل Recommendation ليك علشان تشتغل. (وده ملهاش علاقة بالواسطة) وده عن طريق انك تشتغل معاه في التطوّع, تنظيم حفلة بدون مقابل مادي, الاشتراك في الجمعيات الخيرية, التطوّع في المنظمات الشبابية والانشطة الشبابية في الجامعة,, الخ.

وبكده المقال خلص. وعلاقة الاسم بالمقال:

معظمنا عارفين ان النعام بيدفن راسه في الأرض خوفا من افتراس حيوان اّخر له. لكن المختلف هو اللي هيروح ورا مصدر المعلومة ويفاجئ الناس كلّها وهو طالع على ستيج الحقيقة ويقول: النعامة بتدفن راسها في الرمل بحثا عن المياه, مش خوفا من مهاجمة تعلب ليها !!

عن الكاتب:

أحمد المهدي

Recruitment Officer at ACDC

Related Posts

1 Comment

  1. abdalla  - July 16, 2014 - 4:11 am
    Reply /

    ممتاز وتشبيه كويس
    لو كل واحد عرف هو عايز ايه ويكون كويس فى الحاجة دى ولا هيفشل
    كل الناس هترتاح

    لكن انت لوسالت اى حد هو عايز ايه هيقولك مش عارف
    ولو قالك هو عايز ايه اساله انت كويس فالحاجة دى
    معتقدش ان فى اكتر من 10% هما عارفين عاوزين ايه وبيعرفو يعملوا ده ولا لا

Leave a comment

Social Media

اشترك في النشرة البريدية

Back to Top

Shares