فكرت هتتدرب فين الصيف ده؟

فكرت هتتدرب فين الصيف ده؟

فكرت هتتدرب فين الصيف ده؟

3 Comments on فكرت هتتدرب فين الصيف ده؟
اهلا بالشباب الحلوين:

النهارده هندردش مع بعض ف شويه حاجات كدا مهمين لاي طالب ولاي واحد بيدور علي تدريب صيفي
اكيد كلنا عارفين ان التدريب الصيفي دا او التدريب اثناء الدراسة “مش شرط يبقي ف الصيف بس” بيدلنا خبره جامدة اوي وبيساعد كتير اننا نفهم السوق ماشي ازاي واعرف علي الاقل مصطلحات السوق وكمان ممكن يساعدنا كتير عشان نكتشف المجال اللي ممكن نتميز فيه او اللي حابيين نشتغل فيه
……….
اولا قبل مابدا فيه حاجتين لازم نفرق بينهم
## training :-
ودا بيبقي عباره عن كلام نظري بتسمعه من اللي بيقدم التدريب ومش بتشتغل حاجه بايدك وف الغالب مش بيبقي ليه مقابل مادي.
##  internship :-
” ودا بيبقي زي التدريب ف الشغل النظري بس ف الاخر بيبقي فيه عليك شغل انك مثلا تمسك حاجة فى المصنع وتشتغل عليها تطورها او تعالج مشكله فيها وهيبقي فيه ناس تقيم اللي انت بتعمله والنوع دا بتعمله الشركات الكبيره وبيبقي ليك الأولويه بعدين انك تشتغل في الشركه دي بعد ماتتخرج طبعا لو كان ادائك كويس فى فترة التدريب وبيبقي ليها مقابل مادي .
<<<<<<<<<<<<<
ثانيا ازاي اعرف ان فيه تدريب صيفي ؟؟؟!!!!!!:
— طبعا المصدر الاول هو موقع الشركه نفسها علي الانترنت .
–وكمان فيه حاجة مهمة جدا هي مهرجانات التوظيف او “career fair “.
–وكمان فيه ال career centers ودا زي ال ACDC.
*** لو انت مكسل تدور كعاده كل الشباب دي شويه صفحات فيس بوك بتعلن عن كل التدريبات اللي بتنزل مش هتعبك اوي لو دخلت عليهم وتابعتهم كل فترة “ملكش حجه بقي:” :-
http://goo.gl/WBqIdY
http://goo.gl/ZKAeHD
http://goo.gl/H4VjAD
<<<<<<<<<<<<<<<<<

ثالثا بقي اقدم ازاي ؟؟؟؟؟!!!!!!
اولا ياحضره الناجح مستقبللا
************لازم يكون مع حضرتك C V محترم************** ودي حاجه مهمه جدا

ولما تيجي تدخل علي كل شركه هتلاقي نوعين من التقديم
@@الاول بيقي علي اساس انك تبعت علي اميل معين ولو كانت الطريقه دي هتحتاج تعرف حاجه اسمها Cover letter
@@والنوع التاني انك بتملي ابلكيشن علي الموقع نفسه وخلي بالك مهم اوي الاسئله اللي بيسالك فيها جاوبها باهتمام وجاوب كل الاسئله حتي اللي مش مطلوبه كشرط اساسي لاستكمال الطلب .
“وفيه بعض الشركات بتبقي عامله اختبار زي اختبارات الSAT او IQ او HR TEST مهم اوي تجاوب عن الامتحان دا وبدقه شديدة”
بعدها بقي حضرتك بيتصلوا بيك او بيبعتولك علي الاميل طبعا دا لو الابلكيشن اتقبل وعشان كدا لو سمحت اتاكد دايما ان موبايلك مفتوح واوعي تقول مبردش علي ارقام غريبة
اه قبل مانسي فيه سوال ف ONLINE APPLICATION بيسالك انت عايز تتتدرب فى اي مجال ؟ مهم اوي تبقي عارف انت عايز تتدرب فى اي قسم وليه “هيبقي لينا مقال هنعرف بيه باختصار عن الاقسام الموجوده فى معظم الشركات .
……….
حاجه اخيرة مش شرط الشركة اللي اقدم فيها تبقي ضمن مجال دراستي يعني مش معني اني هندسة اني مشتغلش ف HR …لا اعطى نفسك فرصه تجرب وتشوف انت حابب ايه مايمكن تتميز ف مجال تاني غير مجال دراستك .
ملحوظه مهمه اووووي
لو وجهتك مشكله ومش عارف تحلها سواء ف التقديم او الوصول للشركات اللي بتقدم التدريب او في عمل ال CV او ال Cover Letter اوعي تتردد ابدا انك تزور ال ACDC
*******************************************************************************
اشوفكم ناجحين دايما

عن الكاتب:

أمين رفعت, رابعة هندسة- جامعة أسيوط.

3 Comments

  1. Peter Nabil  - May 21, 2014 - 7:48 pm
    Reply /

    مقال حلو جداً يا أمين ، أنا فعلاً استفدت منه حاجات كتير ، يارب المقالات الجاية برضه تكون كده

  2. ayman salah mansour  - May 22, 2014 - 12:13 am
    Reply /

    فعلا مقال جميل …اضفتلى كتير بجد فى حاجات مكنتش اعرفها
    go on

Leave a comment

Social Media

اشترك في النشرة البريدية

Back to Top

Shares