ازيكم :]
النهارده هنتكلم عن معارض التوظيف أو Job Fair

يمكن ناس منكم سمعت عن المصطلح دا قبل كدا وناس تكون مسمعتش لكن  هو حاجه مهمه خالص لاي حد بيدور علي شغل او تدريب :”ودا حال كل الطلبه و40%من الشباب المصري اللي مش لاقي شغل ” يعني الموضوع مهم ولازم اول ماتسمع ان فيه Job Fair  تركز كدا وتعرف عنه كل المعلومات المتاحه خليني ابدا بس واقولكم ايه هو Job Fair or Career Day زي ماناس تانيه بتسميهدا حضرتك شويه شركات كتير محليه او متعدده الجنسيات بيتجمعوا في مكان واحد بناء علي طلب من جمعيه او منظمه ربحيه او غير ربحيه  وبتيجي كل شركه بممثل ليها و بيعرض فرص الشغل الموجود في الشركه دي سواء شغل او تدريب لحمله الشهادات العليا او المتوسطه للي بخبره وللي زيي كدا من غير خبره .

ما هي مميزات معارض التوظيف؟

الميزه الكبيره فيها ان عدد الشركات اللي ممكن تقدم فيها لو حضرت يوم واحد كبير جدا وهياخد وقت اقل من لو فضلت تدور علي كل شركه وتعرف اذا كانت منزله شغل ولا لا  وتعرف طريقه التقديم كل دا بيوفره عليك ايام التوظيف دي لان ببساطه بتبقي الشركات كلها عندك وانت بتختار الشركه اللي انت عايزها او اللي فيها وظيفه او تدريب مناسب لموهلاتك وتروح تقدم عليها.

كيفية التقديم فيها؟

بعد ماتكون قريت الكلام اللي فوق دا هتسال نفسك هو ازاي اقدم في ايام التوظيف دي او ازاي اعرف عنها ؟
حضرتك انت كدا بتسأل عن المهم
اولا ايام التوظيف دي مالهاش اوقات محدده ولا جمعيات معينه هي اللي بتعملها لكن لما بيكون فيه يوم زي كدا بتلاقي صفحات كتير علي النت بتعلن عنه ودي نفس الصفحات اللي عرضتها ف المقال اللي فات ممكن تقراها من هنا
وكمان ممكن تضيف عليهم الصفحتين دول

• http://goo.gl/m9gy6k
• http://goo.gl/rfkzIR

واللينك الاخير دا ادخل واعمل عليه حساب جديد وهتلاقي انه بيعلن عن يومين للتوظيف سجل في اي واحد منهم او الاتنين وتابع ايميلك لحد مايجيلك الرد
قبل ما امشي بقي هسيبك معاكم اللينكات دي ودي فيها الكتيب أو booklet

“ودا بيبقي فيه كل الشركات اللي كانت ف يوم التوظيف والوظايف المتاحه وازاي تقدم ف كل شركه منهم ”
نزلهم وشوف انهي وظيفه تناسب موهلاتك وقدم فيها

• http://goo.gl/YOw56j
• http://goo.gl/Bu9Yhk

اتمني تكونوا استفادتوا  اشوفكم علي خير ف مقال تاني :]

عن الكاتب:

أمين رفعت, رابعة هندسة- جامعة أسيوط.