لو كنت جربت أنك تشتغل علي موقع فايفرر قبل كده أو كنت واحد المشتركين في الكورس “ أبدأ الفريلانسينج اليوم مع فايفرر” فأكيد يهمك تعرف أن موقع فايفرر عمل  تحديث جديد مميز و هو المعروف باسم

باقات فايفرر أو Fiverr Packages

و دا ببساطة معناه أنك تقدر تقدم للعميل خدمتك باختيارات متعددة و بأسعار متنوعة لكل باقة و بالتالي يزيد من أرباحك و حجم الطلبات اللي بتحصل عليها.

و زي ما هو واضح في المثال السابق أنك تقدر تضيف للخدمة بتاعتك 3 باقات كل واحد ليها سعر محدد و تحتوي علي خدمات و إضافات ثابتة يقدر العميل أنه يطلبها منك و بالتالي يكون الطلب بمبلغ أكبر من الخمسة دولار الأساسية.

و علشان نشرح الخاصيةدي و أزاي تقدر تطبقها علي خدماتك عملت فيديو مخصوص ليها و تم إضافته للكورس “ أبدأ الفريلانسينج اليوم مع فايفرر” و تقدر تشترك في الكورس مجاناً علشان تعرف كل التفاصيل عن الموقع و إزاي تقدر تقدم خدماتك و تنجح عليه.

ملاحظات:

• خاصية الباقات متاحة حالياً لبعض التصنيفات من الخدمات فقط و ليس كلها و المثال الظاهر في الصورة ( غلاف كتاب) هو واحد منها و هيتم إضافتها لباقي الخدمات تباعاً.
• تحديث جديد في 21 نوفمبر 2015:
  تم إضافة خاصية باقات الأسعار علي خدمات جديدة و هي
  Book Covers & Packaging, WordPress, Flyers & Posters, Cartoons, Voiceovers, Proofreading, Business Cards & Stationery.
• لو عايز تتابع و تعرف إمتي هيتم إضافتها لباقي الخدمات تقدر تتابع علي الصفحة المخصصة لشرح خدمة الباقات هنا
• في رأيي أن الخاصية دي هتغير من شكل موقع فايفرر و تخلي إمكانيات الربح من خلاله أكبر و أهم بكتير من الأول و تشجع ناس كتير أنها تحترف العمل عليه

في النهاية أحب أعرف رأيك في الخاصية الجديدة دي و هل جربتها و لا لسه.

تحياتي:

د/ ممدوح عز