عايز تتعلم إنجليزي بسرعة؟

عايز تتعلم إنجليزي بسرعة؟

عايز تتعلم إنجليزي بسرعة؟

2 Comments on عايز تتعلم إنجليزي بسرعة؟

محدش يقدر ينكر أهمية اللغة الأنجليزية في حياتنا المعاصرة و كتير مننا بيكون مهتم يتعلم يفهم و يتكلم إنجليزي و لكن السؤال المهم هو:

هل في وصفة سهلة و سريعة لتعلم الإنجليزية؟

و إجابتي عن السؤال ده ببساطة شديدة هي:للاسف لا !

لأن اللغة شئ عميق و يجب تعلمه علي مدي زمني كبير حتي يمكن إجادته و التكلم و فهم اللغة بطلاقة.

طيب يعني هل فات الأوان و لا ممكن نتصرف إزاي؟

أكيد ممكن المهم تأخذ الخطوات الصح و تستمر عليها لمدة طويلة علشان تلاقي النتيجة اللي بتحلم بيها و دي بعض النصائح المجربة علشان تساعدك علي كده.

 8 نصائح ممكن تساعدك أنك تطور لغتك بسرعة:

  1. عود نفسك أنك تسمع إنجليزي كتير من نشرات أخبار لافلام لأغاني أو لأي موضوع أنت مهتم بيه( حتي لو حسيت أنك مش فاهم حاجة في البداية كمل و لا تتوقف و مع الوقت هتلاقي فيه تغيير كبير)
  2. حاول تلاقي أي فرصة تتكلم مع ناس لغتهم الأولي الإنجليزية سواء بشكل مباشر أو أونلاين لأن ده بيساعدك تمرن نفسك و تصحح أخطائك.
  3. عود نفسك أنك يكون ليك مرجع تستعين بيه لما تلاقي كلمة مش فاهمها و يستحسن أنك تحاول تفهم معني الكلمة بنفس لغتها يعني القاموس الإنجليزي- الإنجليزي أحسن من الإنجليزي- العربي
  4. و علشان تدرب عقلك أكثر حاول تحضر أفلام أنجليزي غير مترجمة أو حتي لو مش متاح جرب تداري الترجمعة من علي الشاشة علشان تتعود تسمع و تحاول تفهم الكلام بلغته الأصلية
  5. لو أنت من الناس اللي بتحب التعلم في مجموعات جرب تأخذ كورس إنجليزي في مكان متميز و اهتم أنك تشارك و تكون متفاعل
  6. فكرة جديدة كمان هي فكرة نوادي اللغة و دي بيكون هدفها التعلم بالممارسة مش مجرد معرفة قواعد اللغة. يعني أنت بتتكلم و فيه حد أكثر منك خبرة بيصحح الأخطاء و ينصحك أزاي تتحسن و دي ميزتها أنها بتكون في جو لطيف مختلف عن جو الكورسات التقليدية و المذاكرة لو أنت بتفضل الطريقة دي
  7. سافر بره لو قدرت و دي حاجة بتساعدك تتقدم بشكل سريع لأنك بتكون مجبر تسمع و تتكلم علشان تقدر تتواصل مع اللي حواليك
  8. و دلوقتي متوفر تطبيقات كتيرة علي أجهزة الموبايل او التابلت بتساعدك أن تتدرب علي اللغة بشكل تفاعلي و مشوق و ممكن تستفيد بأي أوقات فراغ علشان تنمي لغتك و تستفيد من وقتك الضائع في المواصلات أو الإنتظار في أي مكان

و دي بعض المواقع المتميزة اللي ممكن تساعدك علي كده:

 

  • Learn English: British Council:
     
    و ده موقع أكثر من رائع و مميز جداً بتنوع طريق التعلم اللي بيقدمها
  • Learning English: BBC
    و ده موقع من إنتاج الإذاعة البريطانية
  • Games to Learn English:
    و ده موقع بيعلمك عن طريق الألعاب لو بتفضل الأسلوب ده
  • We are New York:
    و ده موقع بتقدمه ولاية نيويورك موجه للمهاجرين علشان يقدروا يتأقلموا بسرعة

و دي نماذج لتطبيقات علي الموبايل ممكن تساعدك:

Johnny Grammar Word Challenge

و دا تطبيق ممتع لقياس مهارتك في الإنجليزية بيعتمد علي السرعة و بيقيم أدائك عن طريق أوسمة بتحصل عليها كل ما تجاوب صح
Android: https://play.google.com/store/apps/details?id=com.ubl.spellmaster

iOS: https://itunes.apple.com/us/app/johnny-grammars-word-challenge/id432488501?mt=8

 

Duolingo

و ده تطبيق تاني ممتع و بسيط و بينمي مهارات الإستماع و التذكر و التحدث في نفس الوقت. و كمان ممكن تستعمله في تعلم لغات أخري مثل الفرنسية و الأسبانية و غيرها.
Android: https://play.google.com/store/apps/details?id=com.duolingo

iOS: https://itunes.apple.com/us/app/duolingo-learn-languages-for/id570060128?mt=8

أتمني أكون قدرت أقدم لكم حاجة مفيدة و أحب أعرف منكم أيه هي طرقكم المفضلة في تعلم اللغات و أيه أكثر حاجة نفعتك علشان تطور لغتك.

تحياتي و تقديري

عن الكاتب:

د/ ممدوح عز- صيدلي و مدرب جرافيك

 

 

Related Posts

2 Comments

    • Mamdouh Samy  - July 11, 2015 - 1:02 am
      Reply /

      فكرة جميلة و مفيدة.
      شكراً علي المشاركة و اعتقد انها فعلاً ممكن تفيد ناس كتير.

Leave a comment

Social Media

اشترك في النشرة البريدية

Back to Top

Shares