يا تري لو سألتك السؤال ده هتكون إيه أجابتك؟

يمكن لأن معنديش فلوس أدفع تمن الكورسات و دي أكيد هتكون بالدولار

صحيح في مواقع بتقدم الكورسات بفلوس و بالدولار لكن في مواقع تانية بتقدمها مجانا تماماً!

بس أنا مش عايز أخد كورسات تافهة بيقدمها ناس مجهولين

طبعاً معاك حق لكن يا تري تعرف أن في كورسات بتقدمها أكبر الجامعات الأمريكية زي هارفارد و بيركلي و غيرها كتير

لكن أنا مقدرش أفضل قاعد قدام الكمبيوتر طول النهار و بعدين دول مواعيدهم غير مواعيدنا و أنا عندي إرتباطات تانية.

معاك حق طبعاً لكن تعرف أن معظم الكورسات دي بتكون متاحة ليك في أي وقت علي حسب ظروف يومك و بحرية تامة

بس أكيد مش هلاقي أهتماماتي في الكورسات دي…

الحقيقة أن المواضيع متنوعة و متشعبة بشكل كبير جداً و هتلاقي أي حاجة ممكن تخطرعلي بالك من أول تعليم لغات برمجة الكمبيوتر لغاية كيف تعيش سعيداً !

طيب ممكن أعرف أيه هي المواقع اللي بتقدم كورسات زي كده و أفضلها؟

أكيد و دي بعض المواقع اللي ممكن تشترك فيها و تبتدي تتعلم أونلاين النهاردة

أهم المواقع المجانية اللي ممكن تساعدك تتعلم أونلاين:

edx:

https://www.edx.org

Coursera:

https://www.coursera.org

Code.org:

http://code.org

Alison.com:

http://alison.com

Udacity.com:

https://www.udacity.com

Khan Academy:

https://www.khanacademy.org

أهم المواقع اللي بتقدم تعليم أونلاين لكن باشتراك أو بمقابل مادي:

Lynda.com

http://www.lynda.com

Udemy.com:

https://www.udemy.com

Team Tree House:

http://teamtreehouse.com

و دلوقتي و بجولة بسيطة في المواقع دي أو حتي بعضها هتعرف أنك ممكن تتعلم أي حاجة تخطر علي بالك و في الوقت اللي يناسبك و بدون فلوس و كمان عن طريق أفضل أساتذة و مدرسين في العالم.

يا تري قررت هتبتدي إمتي؟

عن الكاتب:

د/ ممدوح عز- صيدلي و مدرب جرافيك